Tjaldsvæðið er staðsett í þorpinu Reykholti og er frábært val fyrir þau sem vilja dvelja í hjarta Gullna hringsins. Staðsetning nærri Gullfoss og Geysir gefur gestum möguleika á að skoða nokkrar af dásamlegustu náttúruperlum Íslands. Tjaldsvæðið er fullkominn staður til að slaka á og njóta útilegunnar. Því er skipt í þrjú stór svæði og nýtur það skjóls af skógi vöxnu umhverfi. Það er opið frá 1. maí til 30. september, með fyrirvara um snjóleysi. Þjónusta sem er í boði á tjaldsvæðinu er rafmagn, salerni og sturtur, eldunaraðstað innandyra og borðstofa, þvottavél og leiksvæði fyrir börn.

Hægt er að tæma ferðasalerni og fylla á neysluvatnstanka á svæðinu. Ekki er tekið við forbókunum og greiðsla fyrir gistingu skal fara fram við komu. Við erum ekki hluti af þeim tjaldsvæðum sem taka við Útilegukortinu . Hér má sjá hvaða tjaldsvæði taka við Útilegukortinu. Heimilt er að vera með hunda á svæðinu en þeir þurfa að vera í bandi og eigendur eru beðnir um að gæta þess að hreinsa upp eftir þá.

Sundlaug, knattspyrnuvöllur, veitingastaðurinn Mika, verslunin Bjarnabúð og Friðheimar eru í göngufæri við tjaldsvæðið. Þá er einnig stuttur akstur til Þingvallavatns, Gömlu Laugarinnar á Flúðum, Laugavatn Fontana, Kersins og annarra dásamlegra staða sem svæðið hefur að bjóða.